آفاق يحتفي بالمجموعة القصصية ( أغدا القاك) للأديبة: عنان محروس

آفاق يحتفي بالمجموعة القصصية ( أغدا القاك) للأديبة:

عنان محروس

يرعى عطوفة أمين عام وزارة الثّقافة الروائيّ هزاع البراري في السادسة والنصف من مساء يوم الإثنين الموافق 25/9/2017 بمقرّ ملتقى آفاق للثّقافة والفنون بمجمع بيت الثقافة والفنون وبحضور ضيف الشرف معالي الأديب طه الهباهبة وزير الدولة الأسبق حفل إشهار المجموعة القصصية (( أغدا القاك ))  للأديبة عنان رضا محروس . 

ويشارك في الحفل الّذي يديره الشاعر لؤي شديفات كلّ من الملتقيات الثقافية التالية :

بيت الثقافة والفنون
مؤسسة أوتاد للثقافة والتراث
منتدى البيت العربي
مسرح عمون
ويشمل برنامج الحفل على :
قراءة نقديّة للدكتورة هناء علي البواب
إطلالة عامة للاستاذ الشاعر حسين الفاعوري
قراءة نقدية للدكتور فادي المواج الخضير
سكيتش تمثيلي للمخرج المسرحي محمد الختاتنة
كذلك يشارك بحفل الإشهار عضو الفرقة الماسية سابقا المايسترو حسين عبدالمنعم بمعزفات على آلة الكمان.

محمّد صوالحة

إصدار جديد: للحبّ رائحة الأرق للشاعر المصريّ ناصر رمضان عبد الحميد

يصدر خلال الأيّام القادمة، الإصدار العاشر للشاعر المصريّ 

ناصر رمضان عبد الحميد 

بعنوان:

للحبّ رائحة الأرق

وهو يجمع ومضات من شعر ونثر.

ومن الومضات:

1-في كفّي تترنّح ومضة

وأفكّر فيك فتختنق.

2-أسرت من الدّلال لديك قلبي

ويحلو الأسر في سجن الدّلال.

3-والّذي من غير حبّ ليس إنسانا سويّا.

إلى آخر هذه الومضات التي تشع حبّا وجمالا وألقا.

والشاعر عضو اتحاد كتاب مصر

وسكرتير رابطة الأدب الحديث.

ولمزيد التعرّف على الشاعر اضغط على الرّابط التالي:

(رابط) تعريف الشاعر ناصر رمضان عبد الحميد

الود و المحبّه و الكرم و أمجادنــا، الشاعر حبيب الميساوي

الشاعر حبيب الميساوي

الود و المحبّه و الكرم و أمجادنا

موروث من اجــــــــــــــــدادنــا 

نفرح و نهني ... مبدعين بـلادنا 

الود عدنا عـــــــــــــــــاده 

المحبّه زادنا و ريــــــــاده 

امّا الكرم مع الشّيَم زيــــاده في الواجهة نثبّت أحبال أوتـــــــــــادنا 

صقور القوافي سيوفهم زبّـــــــاده يجلّوا ظلام الظّيم يوم كســـــادنا 

يوم الزّرق و البرق يلك ســــواده بافكار شينه يخلبزوا جــــــــدّادنا 

يفنى كلام العيب و المرمــــــــاده و رن الطّبول ... جاهلين مـرادنا 

يزولوا الانذال و تمسيحهم للسّـاده يصفى المرجين من الزّيت من سجّـــادنا 

تبقى روايتك يا هاشمــــــــــــي روّاده كنز ما يفناش ملك بـــــــــلادنــــــــا

عربون منّك للوطن و شهــاده أحسن هديه يذكروك أحفادنـــــا 

وهذا مامي قريحتوا وقّــاده فارس القوافي يصول فوق جـوادنا 

ما مي نصيحه بحر مالو حــداده هديه ثمينة معبّره لاكبادنــــــا 

وهذا البكري الصدق عندو عاده ردّ التّحيّة و سخر من جـلّادنا 

لا يجف قلمو ع الظلم و اظطهـاده و مشاكل الدنيا ... و تخربيش كشّــادنا

نرجع نحيّي النّاشطة القــــــــــدّاده عطر القوافي نـــــــــــور في عـــدّادنا 

حوكي و حرايري و التّحدّي عـــاده رذاذ الرّخـــــــاء و الخير في ميعادنا 

وهيبه تتماده بمفخره و سعـاده أبو أمين خونا ... بالنّصــــايح فادنا

حبّيت نرجع تاريخنا يا ســــاده ما مات الشّابّي حي بين أعبــــادنا 

و هل ماتوا من زحفوا ع بلادنا روّاده الزّازيه و ذياب و فـــحول بر بــلادنا 

و هل مات من يكتب بقريحتوا واراده تعيش القوافي و تتلاشى حسّــــــــادنا 

و هل مات من ثار على القياده زمان راح و تو رمز اعيـــادنا 

تبقى روايتك طول الدهور معاده و يبقى كتابك عزّنا و مرادنا 

يذكروه أولادنـــــــــــــــــــــــــــــــــــــا 

و يسجّلو التّاريخ مفخره لاحفـــــــــــادنا 

و الود و المحبّه و الكرم و امجــــــــادنا 

جيتكم يا رفاقـــــــــــــــــــــــــــــــه 

دوافع المحبّه للقافيه مشتــــــــــــاقه 

ودّي و سعادتي و راحتي نتـــــلاقى لا حد يوقف في غزيل حشادنــا

غصن المحبّه نشر مدّ أوراقــــــــــه فرخ الحمام رمزنا و اسنادنـــــا

نهدي التّفّاحه لون الذّهب برّاقـــــــه لا نرقد موحال و الحجر وسادنا

و لانا تجّار مبكّلرين سوّاقــــــــــــه و لانا دعاة حزنّا و انكادنــــــــا

نحنا فرسان بودّنا سبّاقـــــــــــــــــه نزرع المحبّه من عجينة ظــادنا 

نركب الخيول نحبّها و النّاقــــــــــه قمحنا و شعيرنا من ذخيرة وادـا 

نحن أعراسنا طبولنا شلهاقـــــــــــه نكرمو ظيفنا من خزينــة زادنـا

لا نهاب التّحدّي نفزعو لحّاقـــــــــه وين حبابنا و نبجّـــلو روّاد نـــا

لا نجيب ثنيّه ملهوثــــــــــــه زلّاقه شاعر القبيله سيــــــــــدنا قدّادنا

و الشّعر عدنا مفخره و احذاقــــه هو دواء لجراح ... هو ضمــاد نا 

هو المحبّه هو الودّ و الصّداقــــــه هو نسيج خيوط ... نول بــلاد نا 

هو عشيق العشق للعشّـــــــــــــاقه هو ضدّ الظّلم و اظطهـــــــــادنا

طعم العسل في الفم للــــــــــذّوّاقه هو سند للرّوح يــــــــــوم هوادنا

رذاذ القوافي ملحفه و دراقــــــــه بن رباح مدح سيد اسيـــــــــــادنا

نرجع للشّاعر و محنتو و طواقه رغم تناسونا يزيد هول عـــــــنادنا

يحيا الكاتب و قريحتو الرقراقـه و تعيش المهاري و سرجنا و لبادنا 

و يبقى كتابك عــــــــــــــــــزنا و مـــــــرادنا 

يذكروه أولادنـــــــــــــــــــــــــــــــــــــــــــــا 

و يسجلو التاريخ مفــــــــــــــــــخره لاحفادنا

الشاعر
 الحبيب الميساوي

28  جانفي / 2017

بين الزّنڨة والزّنڨة حرف... أسماء بن يعقوب

أسماء بن يعقوب

بين الزّنڨة والزّنڨة حرف...

بين الزّنڨة والزّنڨة حرف...

والشّارع يروي في الحكاية بالطّرف بالطّرف...

الغيرة تذهب الشّيرة

والخبيث زايد عليك عام وحيلة ...

الذّيب ڨدام الصّيد لبوة

والكلب ما ينبح كان فوڨ الرّبوة...

الخوف مَاكِنْ بْنَادِمْ من راسا لطراطش ساڨيه.

يحلّ الظّلام ما تسمع كان دڨّات القلب ورجفان يديه

لا ينحّيه صوردي ولا كثرة امّاليه

كالڨبر ، ظلام حالك، وما ينفعه كان الّي يرحّم عليه .

الرّيڨ شايح

الصوت خايخ

الهم بين الجرود فايح

والعبد بين الشهاوي ضايع

الحبّ...

إلّي يبغيه ما يسلّم فيه والّي يحاذيه ما يفهم سرّو من حلّة عينيه...

العشڨ عالڨلب رزين

والّي حلفت عليه النّسوة بيمين

 ينسى النّوم ويعيش بين السّاڨين

 مذموم

 مذلول

 بين الكتب يصول ويجول

 يولول ڨصايد ويزرع نعناع ويازول

 ويشڨ خلاها وع الناس يغور

 هايم بالوجيعة مزطول.

 والحبيب يلالي من سماء ونجوم...

كلّ شيّ بالسّيف كان العشڨ بالكيف.

بَصْمتكْ فالكِنين ما مَرّها

والشُّون إلّي رْفِدْ هدارِيكْ خلّيت فيه جمرة ما حرّها.

 بين النّخل ضلايل، نْحت بترابها ڨصايد

 رثيتْ فيها الفراڨ بعد الزّاير

 بين خْطاويك تدعثرتْ، ولْحكم الزّمان تنكّرْت

 ڨلت ليَمّا ڨلبي السّخيف متيّم ، والهمّْ بالجّواجي مغيّم،

لا من صُوبنا ولا من دارنا ولا حوشنا

ولا ولد عمّي شُڨّة

ولْهانة

مالشّوڨ دايرة عينيه ڨِبلة

ولمِنْ نِشْبحَه ندير الصّلاة سِبْلة

 رىحتَه سُنّة محمّد، والماء بحضورَهْ يتجمّد،والڨلب مْحاذِيه متْعمّدّ .

ومشاوير الزّمان مودّيتنا لوادْها ، يجْرف احلامنا والّي حْكامها ما رادَها.

والڨُمر غايبْ

وصڨيع الوحش ذايبْ

وانَا بموّالي نغْزِل بيُوت  

بَصْمتكْ فالكِنين ما مَرّها

والشُّون الّي رْفِدْ هدارِيكْ خلّيت فيه جمرة ما حرّها

وبين الزّنڨة والزّنڨة حرف...

والشّارع يروي في الحكاية بالطّرف بالطّرف...

أسماء بن يعقوب

من مجموعة "سيّدة الكلمات"

لِلذَّاكْرَةْ رْوَايَحْ، شيماء العبيدي

شيماء العبيدي

لِلذَّاكْرَةْ رْوَايَحْ

ريحة نهود ولاّ خدود، وريحة تربة

ريحة من قلب الريّح تطيح على خاطرك وبيك تسافر

وريحة تسكن فيك، في كلّ عرق من عروقك تعشّش...

هذيكا رِيحِةْ ذَاتْ متعلقة فغربة...

وللذّاكرة رْوَايَحْ

يا يديك تعدّات على ملمس خَلاّتْ عليه من عْرَقْها نِسْمَة

ويا كْلاَمِكْ من بحذا النّفس تنفّس وْخَلَّى مَا يْخَلِّي الياسمين في وقت الظّلمة وياااااه...

ياما تنبض فيك جواجيك بروح جريحة

تغلي من تحت الجلد بنار وبفضيحة

ويفيض الجلد بكلّ حكاياتك ريحة

وللذّاكرة روايح

كيف سريرك نَسَّايْ أمَا فَاوَحْ

ترجعلو كيف تدور بيك حياتك في غمضة

تتنفّس في قطعة القماش وتتفكّر

هذي ريحة ضحكة، هذا ما بقى من تنهيدة، هذا عرقها، هذا ريقها وهذا شراب

وهذي آخر لحظة...

وللذّاكرة روايح

ملمومة في كتاب على كتافك طايح

مع كلّ تلفيتة نفس

ومع كلّ نفس تخزن ريحة ذكرى

وتملا روحك بسنين روايح

ينثرها جلدك على طريق النّسيان فضايح

وللذّاكرة...

للذّاكرة روايح

شيماء العبيدي
من مجموعة سيّدة الكلمات

بيان نادي الشّعر: أبو القاسم الشّابي، تونس بمناسبة افتتاح موسمه السّادس 2016 - 2017 بشعار: شباب القصيد...

بيان نادي الشّعر: أبو القاسم الشّابي، تونس

بمناسبة افتتاح موسمه السّادس بشعار: شباب القصيد...

نظّم نادي الشّعر: أبو القاسم الشّابّي، تونس أمسية شعريّة ثقافيّة بمناسبة افتتاح موسمه السّادس يوم السّبت 26 نوفمبر 2016 بمقرّ جمعيّة ابن عرفة بالسليمانيّة بشعار: شباب القصيد... وقد ساهم في إثراء فقرات الأمسية، إلى جانب شعراء النّادي، مجموعة من الشّابات والشبّان من مجموعة "سيّدة الكلمات" ممّا أضفى روحا شبابيّة متجدّدة في النصّ التّونسيّ.

وإذْ نحيّي هؤلاء الشبّان من مجموعة "سيّدة الكلمات" والشّعراء أصدقاء النّادي وجمعيّة ابن عرفة الّتي احتضنت الأمسية في فضائها بالسليمانيّة ونشكر كلّ من ساهم في إنجاح الأمسية  نورد مضمون نشاط النّادي ونؤكّد على ما يلي:

- نادي الشّعر: أبو القاسم الشابّي، تونس هو ناد مستقلّ، وهو جمعيّة مستقلّة. والاسم الكامل: جمعيّة نادي الشّعر: أبو القاسم الشابّي، تونس ومسجّل في الرائد الرّسميّ بهذا الاسم منذ 2013 غير أنّه لأسباب خاصّة بالنّادي لم نطلب دعما وبقي نشاطنا تطوّعيّا حتّى الآن وباسم "نادٍ" لا باسم جمعيّة.

- من أهداف النّادي (ويمكن قراءتها مع بيان التأسيس الصادر في 12 جوان 2012)[1] أن ينتقل من مكان إلى آخر وينشط في جهات مختلفة خاصّة أنّه لم نحصل على مكان محدّد ننشط فيه بصفة قارّة. فاستقرّ النّادي في البداية في النّادي الثّقافي أبو القاسم الشابّي بالورديّة ( في 2012)، ثمّ نشط في اتّحاد الكتّاب بالعاصمة (في 2013- 2014)، ومنها استقرّ النشاط الورشويّ في مقرّ جمعيّة ابن عرفة (مشكورة) بالسليمانيّة (في 2014- 2015- 2016).

- تواصلت الأنشطة الكبرى في مختلف مناطق الجمهوريّة شمالها وجنوبها، في دور الثّقافة ودور الشّباب والمكتبات ونشطنا بالشراكة مع جمعيّات مختلفة. ويمكن للمهتمّين أن يعودوا إلى موقع النادي الإلكتروني وصفحته على الفيسبوك[2] والتويتر[3] والجوجل+[4]  وقناة اليوتيوب[5] ليتعرّفوا إلى أكثر أنشطة النّادي. وإن كنّا قصّرنا في تغطية كثير من الأنشطة على الموقع.

هذاونبلغ الشعراء والأصدقاء من كلّ مكان في تونس أو في العالم أنّ النّادي يظلّ مفتوحا لهم ولنصوصهم، ونهتمّ بمشاركاتهم القيّمة فننشرها ونعرّف بأصحابها. ونقبل عضويّة كلّ من يرغب في الانضمام إلينا مباشرة أو عن بعد. ومرحبا بهم جميعا.

مع جزيل الشّكر لكلّ من ساهم معنا في إثراء أنشطة النّادي والّذين ساهموا بحضورهم أو نصوصهم الّتي نشرناها على الموقع وعلى مختلف صفحاتنا. ونشكر الشّعراء من مختلف الدّول العربيّة ودول العالم الّذين تابعونا وأرسلوا قصائد باسم الشابّي شاعرا وباسم تونس، وساهموا في أنشطة النادي عن بعد.

 

---

[1]  http://nadichi3r.blogspot.com/p/blog-page.html

[2]  https://www.facebook.com/NADICHI3R/?fref=ts

[3]  https://twitter.com/TunisiaChi3r

 [4]  https://plus.google.com/100069524216872008348

[5]  https://www.youtube.com/user/TunisiaChi3r

---

[1]  http://nadichi3r.blogspot.com/p/blog-page.html

[2]  https://www.facebook.com/NADICHI3R/?fref=ts

[3]  https://twitter.com/TunisiaChi3r

 [4]  https://plus.google.com/100069524216872008348

[5]  https://www.youtube.com/user/TunisiaChi3r